His rebus confectis....

A mense Martio sessiones negotia itinera nonnulla in circulo nostro efficimus. Quae tantum enumerari hic contigit ad memoriam servandam, nam —ut aiunt— rebus praesentibus contentum acquiescere boni animi est.

   1. Lustratio postridie Idus Martias habita est una cum sodalibus Caesaraugustanis et Ilerdensibus. In universo grex erat paene XXX hominum qui, ducentibus Anna Maior et Araceli Lucena, diem egimus per antiquam coloniam quae a Caesare Augusto nomen habuit. En ordinem rerum, qualis fueratt:



Prandio habito in caupona 'El Tablón' omnes una concentum vibrante voce et citharis adamussim perficimus horum Martialis versuum. Dies pergratus omnibus fuit, praesertim dum in mousaeo ad theatrum antiquum dicatum pagellas Vitruvii et aliorum scriptorum lectas et luculenter explanatas audire validissime placuit. Denique, res nonnullas ad monumenta antiquae aetati pertinentia hic depromere licet.



   2. Mensium Aprilis et Maii ex more sessiones habitae sunt ut iam in calendario huius cursus nuntiaveramus, in quibus usque ad v. 270 cap. XXXIX Romae aeternae (paginae ad Didonis historiam pertinent) recitati et collocuti necnon capitula postrema e libro a F. Gallup conscripto diligientius examinavimus. De his rebus certiores facti fuerunt consodales omnes paucis ante diebus per litteras electronicas.

   3. Mensi Maio novam lustrationem perfecimus dum Tarracoviva.com agebatur. Eodem die et Mousaeum Biblicum Tarraconense vidimus, quod magnopere arrisit. Praelectiones obtulerunt Albertus, qui de foro Romano Tarraconensi ac de rebus politics ac religiosis locutus est, Ferdinanda res patefecit varias de muris antiquissimis, Eulàlia participes edocuit de historia, archeologia, inscriptionibus etc. in amphitheatro romano: omnes intenti adfuerunt nam occasio et comitate et benignitate multum perplacuit. Tunc adfuerunt sodales quidam et amici ex ICE Tarraconensi:


   4. Prima hebdomada mensis Iulii Colloquia Latina Barcinonensia VI feliciter acta sunt. De hoc eventu, iam haec erat VI editio, ut videas paginam pipiatoriam @circulusbcn consilium adhibemus, praecipue sub titulis #ColloquiaLatinaBarcinonensia et #CLB nam materies ardua foret si, velut surdis auribus denuo canere, eandem in isto blogo notitiam repeteremus.

De sessione mensis februarii a. MMXIX

Convenerunt die 9º februarii tres novi sodales, Mercedes, Emmanuel, Henricus, qui laeti erant circulo se adiungere.

Recitatumst a p. 57 usque ad 61 (v. 156) Romae aeternae. Placuit versus vergilianos exaudire recitante Alexandro nostro qui dilucide disputationes necnon sollertiam semper affert. Participibus placuit etiam loqui de quaestionibus ad realia Aeneidos pertinentibus sicut quomodo effici posse tres cervos errare non per silvas sed in litore, vel de Vergilio Epicurum secutore vel de rebus syntacticis quibusdam  memoriam facientes. Placuit versus ille 'dabit deus his quoque finem' et de Iovis odio erga Troianos locuti sunt sodales. Maluerunt, deinde, quidam Sychaei mortem enarrare necnon sententiam 'perge modo quo te ducit via'.

Altera sessionis parte anecdoton breve ab Aulo Gellio conscriptum legimus enodavimusque et, non rara de causa, via nos ducit ad quaerendam significationem de Antigonae mytho sensu paululum in disciplina anthropologica versantes.

Ut ad novas res transeamus, die 16 mensis martis circulus barcinonensis magnam sessionem habebit, nam ad Caesaraugustam lustrandam tramine et raedis iter faciemus. Ibi conlegae circuli caesaraugustani lustrationem musaei etc parant qua de causa gratitudo erga illos ingens toto ex corde oritur.

Sessione hora septima et quadrante postmeridiana dimissa, quidam nostrum proximam cauponam adierunt, ubi iucunde poculum caffeam bibentes sermocinari perrexerunt, vel domi redimus ceteri.

Novae res ad conventiculum mensis Ianuarii a. MMXIX

Novo anno ineunte laborem quam antea inceperamus denuo sustulimus. Ita, capituli XXXIX lectiones primas praelegendas monitum accepimus per litteras electronicas (in iisdem litteris exercitia 1-4 ipsius capituli conficienda suasit moderator). Huic addere visum est etiam paginas quasdam e libro a F. Gallup conlecto cui titulus A latin reader.

Dum sodales de rebus humanis et divinis locuti sunt (vgr de urbe Utinam vel de sententia 'fluctuat nec mergitur', quam Lutetia ostentat) audivimus versus Aeneidos nonnullos quos Alexander rhythmo ditans declamavit. Adfuerunt etiam diurnarii modo visitatores qui parvum symbolon evulgaverunt apud televisificam sedem TV3 et quibus grates plurimas agimus.

Oblivisci non decet proximo die 9º februarii novam sessionem ad operam quam institueramus prosequendam loco et hora solitis habebimus: venite quibus linguam latinam exercere gratum est!

Conventiculum die XXIV mensis novembris MMXVIII

Iam sessione peracta die VIII a.K. Decembres socii et novus conlega -cui nomen Arcadi est- luculentas paginas de Aeneae peregrinatione legimus et finem dedimus cap. XXXVIII. Placuit herois sententia "vivo equidem vitamque per maxima pericula servo", enodatae sunt etiam quaestiones grammaticae, sicut structura obliqua, tempora verborum, synonima nonnulla necnon Ulixis socii nomen -id erat Achaemenides- cui melius perire hominum manibus quam Cyclopum videbatur. De Heleni mente divina locutum est atque de eius monitis, nam, ut Robertus memoriam fecit, longum per tempus navibus non licuit per fretum Siculum transire adversis aquae fluctibus. Disputatio orta est, in fine, quae ad 'immensam noctem' attinet cum Henricus Danus noctis vigilias et horas obscuras tempore hiemali in Dania exposuisset dum alii alia quaerebant, utrum popinae an tabernae portas aperirent ab hora quarta postmeridiana.

Nolite oblivisci: nullum conventiculum proximo mensi Decembre agemus, itaque anno MMXIX, Sabbati die 26º Ianuarii una apud Pati Llimona consedemus ad novam sessionem agendam.

Dies Festos, bonum Natalem et faustum annum novum omnibus toto ex corde exsoptamus.

(Allata sunt photographemata quaedam et in aula et in popina cerevisiam vel caffeam cachinnis bibentes.)








De sessione nuper habita

In secunda huius cursus sessione congregati sumus duocedim participes, adfuit et novus sodalis, Marcus Olivier (qui iam antea praesides fuit Circ. Lat. Lutetiensis necnon Circulus Provinciae) qui novas res de historia antiquissima Europaea eleganter et fluenter edocuit et librum —nunc sub prelo— de 'Lingua latina mercatoria' indixit. Legimus etiam, ut constitutum est, Romae aeternae paginas a 45 usque ad 47 quaestiones nonnullas enodantes (praesertim de re geographica).

In altera huius sessionisparte, et sponte sua et diligentia Albertus sodalis de labore adtexendo verba latina in pellicula c.t. Gladiator locutus est, quod mirantes et stupentes novo conventiculo intuebimur magnam curam adhibentes. Item constituti sumus cum Iudith imagines facetiarum lepidas quasdam monstravit ut discipuli quaestiones ad historiam pertinentes Romanam respondeant. Denique Aracoeli cantum praebuit 'Mamma mia' latine conversum cuius textum castigationibus nonnullis correximus et meliorem facere temptavimus.

Non oblivisci oportet proximo die ad conveniendum, 24º novembris proximi. Ut labor proficiens sit, accurate et diligenter venite omnes. In proximum!

Calendarium huius cursus

Quindecim amicis amicabusque collectis in prima sessione, calendarium totius cursus usque ad Maium mensem a. MMXIX in ordinem redactum est. Hoc modo conventicula circuli futura his diebus decrevimus, Sabbati diebus (ab hora 16:15 usque ad 19:15):
· 6 oct.
· 20 oct.
· 24 nov.
· 26 ian.
· 9 febr.
· 16 mart. [ Caesaraugustanum mouseion lustrandum]
· 6 apr.
· 4 mai.
· 18 an 25 mai. [dubium quo die Tarraconem vivam insignem peragraturi.]
Pridie Nonis Oct. in sessione novi sodales qui aderunt nonnulla de se dixerunt, pagellas paucas de Roma aeterna legimus, de pagina «podomatica» c. t. Satura lanx disputatum necnon commonefactum est. Post intercapedinem his Phaedri fabulis selectis (tantum e libro primo) laboravimus, synonima vel paraphrasim adhibentes.

Si cuidam iucundum est sermones latinos sodalibus conferre, veniat proximo 20º oct. apud Pati Llimona hora solita, facetiarum avidus, laboris studiosus, novarum rerum cupidus (si sero veniet in procestrio non maneat).

Mensis Octobris MMXVIII novae res

Novo ineunte cursu conventicula huius mensis erunt diebus Sabbati 6º et 20º hora postmeridiana 16:15 in loco anno praeterito solito, Pati Llimona.

Instrumentum laboris magni pretii erit liber Roma aeterna, a clarissimo Orberg conscripto, cuius capitulum 'Pius Aeneas' (cap. XXXVIII) a pag. 44 legendum perpiciendum explanandum —pensis necnon exercitiis additis. Aliae res quae per greges duci possunt erunt fabulae Phaedri nonnullae ut vocabula necnon explanationes variae addantur (chartae in conventiculo ipso tradentur).

Exspectamus vos, venite frequentes!