Pergamus ergo ad huius mensis cursum de Latino colloquio...

Sententiam posuimus pace Tullii (pergamus ergo ad reliqua et institutum ordinem persequamur, legimus apud Brutum §158). Si di volent, per unam septimanam, a Lunae die XXX mensis Iunii usque ad Veneris diem IV Quintilis, bono animo reliquum tempus studiis impendemus apud Colloquia Latina, cursum vivae Latinitatis Barcinone habiturum. Nolite occasionem amittere: hic pulsate, nomen date, pecuniam solvite (tantum XC euronibus constat): iam satis superque dictum est, nihil vos moramur.