Nuntii de proximo convento die XXIX novembris MMXIII agendo

Sicut omnibus in rebus placidis amoena fuit inceptio altera. Circuli nostri conventiculo die XV novembris habito —ut iam nuntiaveramus— decrevimus die veneris XXIX novembris novum colloquium habiturum esse. colloquium fiet apud Aulam M. Balasch (in Facultate Litterarum Universitatis Studiorum Autonomae Barcinonensis). hora erit eadem quoque, 16:30.

Quid sit novi, fortasse requiris. iam dicam: sodales qui adessemus propositum cepimus, ut ad proximum conventiculum unusquisque ibi fabulam Phaedri modo fictam afferat et legat, soluta oratione, circum affabulationem quamlibet. recte, probe et pulchre ut scribamus Latine hoc nobis necesse sentimus.

Post hoc pensum legemus versus quosdam catullianos quos Ioannes Paulus Murgensis oerbergiano methodo pulcherrime edidit. ecce libelli eius nexus.

Scitote, quisquis in animo habeat una nobis Latino sermone uti, libenter litteras electronicas nobis mittat.

Valete quam optime!

Cap comentari:

Publica un comentari a l'entrada